謝謝你同我分享我你的喜悅...

當你拎到張證書的時候,我可以想像到你是那麼的開心,你第一個就想同我分享這一份喜悅...我也為你感到開心呢..真的=]

恭喜你取得degree second up honor的成績...記得以前你同我講過這是你的目標...對嗎?現在你做到了...恭喜你呢=]我沒有什麼獎勵你..只是給了你一元..哈哈..不過看得出你竟然珍而重之...

不過...因為歲月的摧殘..好似好多野都唔同左了...如果係以前...見到你的證書..我一定會感動落淚,但而家好似都不怎樣與我有關...

哈哈..之後我叫你讀post-grad,你竟然話用左十萬讀一個degree都係得一元的獎勵...所以你說你唔讀了...不過..我記得你以前話會讀master的...我也希望你可以做到呢=]

考完history就隔6日先考中史...真係好...有多d時間溫下...比我可以報下仇~

今年考試的感覺好似比上年唔同...上年好伕得自己孤軍作戰咁...諗住快d考完就去玩...又唔比心機溫書...不過今年有溫書,但係d卷又深左...搞到我都有d灰心喇~不過唔緊要la...仲有中史...希望可以考好d啦=]

今年再去考,感覺都幾好..因為有好多人關心...雖然媽媽間中都係會嘈下我...但係係我考試個陣佢總會收下火...又會煮多d野比我食~阿妹都同我一齊考會考...以前我地的關係都唔係太好...不過因為呢次的會考,我地都好似多左交流~

最開心都係有教會的一班弟兄姊妹的關心...仲有華亮,曉羚,穎雅,廣輝,阿培,迦遜kelvin,大舊,泉泉,fuji,king king,肥炘的打氣sms=] 詠媚ee,kenneth 哥哥同我一齊祈禱..仲有要謝謝泉泉,大舊,迦遜教好地maths...大舊仲應成教我中史呢=]衷心地謝謝大家~

不過...最最最重要係要感謝神..因為如果唔係佢...我相信我會好似學期初咁自暴自棄,我都未必會有勇氣去面謝考試...更加多謝佢派左咁多個小天使去支持我呢=]

我會繼續努力的=]

最近心情都唔係太好...可能會考又近了...所以壓力好大...加上...

唉...其實你可以唔同我講野架....我都冇同你講野啦...點解你可以一見到我就係咁嘈我呢?我知道你好得閒...但係我有好多野做架...你有咁多個女...不如你試下嘈下佢地啦~你唔支持我唔緊要呀..但請你唔好影響我的心情...我知道你點都唔信我會溫書架喇...不過唔緊要啦..我做野對得住自己就得la...未必要向你交代姐...岩唔岩呀?係呀...我晚晚咁夜番屋企都係避緊你呀...因為我真係冇咩心情同你嘈呀...你都知你個女我會因為你鬧我一句會喊同唔開心好耐...我好緊張呢次的考試...所以請你唔好影響我~我已經唔介意你點睇我了...或者我已經唔期望你會理我...但我只係想你唔好再搵埋d無謂野去嘈我...我想專心d去讀書..如果唔係...就唔好怪我無禮貌了...我都有情緒架...我真的累了~

發洩完了...仲有一個星期就考了...真係有d驚...為我祈禱吧=]

最近發覺自己成日都去逃避問題...

可能因為唔想影響自己的心情,搞到溫唔到書啦~

尋晚好早就訓,所以今日的自修堂都可以好好咁溫下書=]

fuji真係好細心...知道我冇casette機...拎到餅帶都唔會聽,所以借埋部機比我...送一萬個謝謝比你=]

放學之後,去溫左一陣書...之後就番左屋企...

番到屋企...阿媽話我唔叫佢....

其實咁多年,我都好少叫佢,除左叫左幫我搵野,或者做野之外,我都唔會叫佢一聲媽媽....

我都唔知點解...好似覺得媽媽,爸爸呢d名好難講出口咁..可能細個有一段長的時間都唔係同佢地住...真係冇咩機會叫佢地...所以真係有d唔習慣~

可能我真係要改下的...習慣下啦~

灰

mock的成績都知道了...

好灰呀..有好多科都比去年低分...

記得去年好似冇咩理過mock..日日都去玩...

反而今年差唔多日日都去溫書...反而落得如此下場...

今日收到中史的成績...真係好down...本來上午好有心機溫書...知道成績之後都唔開心左好耐...因為呢一科我用左好多時間去溫...但係出到黎的成績真係強差人意..都唔知自己溫書黎做咩...可能有d人會覺得都算考得唔錯...但係我考左咁多年中史都未試過咁低分....唉~

好了...發完悔氣了~都係比多d心機溫書下~

因為我相信"今日的努力,明日的成果"